“33 ჭრილობაა დადგენილი ექსპერტიზით” – თემქაზე 20 წლის გოგოს მკვლელობაში ბრალდებულ ლადო გრიგალაშვილს ბრალი დაუმძიმდა – geonewest.com
Загрузка...

“33 ჭრილობაა დადგენილი ექსპერტიზით” – თემქაზე 20 წლის გოგოს მკვლელობაში ბრალდებულ ლადო გრიგალაშვილს ბრალი დაუმძიმდა

loading...

თემქაზე 20 წლის გოგოს მკვლელობაში ბრალდებულ ლადო გრიგალაშვილს ბრალი დაუმძიმდა. გრიგალაშვილს ახალი ბრალი საქართველოს სისხლის სამართლის კოდექსის 109-ე მუხლის მე-3 ნაწილის „ბ“ ქვეპუნქტით წარედგინა, რაც განსაკუთრებული სისასტიკით განზრახ მკვლელობის ჩადენას გულისხმობს. პროკურატურამ ასევე მიიღო ექსპერტიზის დასკვნა, რომლის თანახმადაც 20 წლის ანა ნაცვლიშვილს 33 ჭრილობა აქვს მიყენებული, მათ შორის თავის არეში ბლაგვი საგნით ჩარტყმის შედეგად. ბრალის დამძიმების მიუხედავად, ბრალდებულის ადვოკატი ნაირა ოტიაშვილი აცხადებს, რომ გამოძიებას გრიგალაშვილის წინააღმდეგ არავითარი მტკიცებულება არ აქვს.
როგორც „ინტერპრესნიუსს“ ოტიაშვილმა განუცხადა, მას უკვე დანიშნული აქვს ალტერნატიული ექსპერტიზები, რომელიც მისი დაცვის ქვეშ მყოფის უდანაშაულობას დაამტკიცებს.

Загрузка...

„33 ჭრილობაა დადგენილი ექსპერტიზით, თუმცა არის ასევე ერთი ჭრილობა, რომელიც დაუდგენელია, თუ რა იარაღითაა მიყენებული. ზოგადად, ბრალდებას მტკიცებულებები არ გააჩნია და კვალიფიკაცია რამდენიც უნდა ცვალონ. გაუგებარია რის საფუძველზე წაუყენეს ბრალი და შემდეგ უკვე დაუმძიმეს. ამოღებული დანის ზომები და ჭრილობების ზომები არ ემთხვევა ერთმანეთს. გენეტიკური მასალა არ არის. თითის ანაბეჭდები არ არის და შესაბამისად, რითი ამტკიცებენ ბრალს, გაუგებარია. მე უკვე დავნიშნე ალტერნატიული ექსპერტიზები – სასამართლო – სამედიცინო და კრიმინალისტიკური ექსპერტიზები“, – განაცხადა ნაირა ოტიაშვილმა.
ასევე აღსანიშნავია, რომ ახალი ბრალი საქმის ნაფიც მსაჯულთა სასამართლოს განსჯადობას ითვალისწინებს, თუმცა, როგორც ბრალდებული ლადო გრიგალაშვილის ადვოკატი ამბობს, მისი დაცვის ქვეშ მყოფი არ აირჩევს ნაფიც მსაჯულთა სასამართლოს.
საქმეზე პირველი წინასასამართლო სხდომა 22 მაისსაა ჩანიშნული.
თემქაზე 20 წლის ანა ნაცვლიშვილი 22 თებერვალს მოკლეს. მას ყელის არეში დანით რამდენიმე ჭრილობა აქვს მიყენებული და ასევე დაზიანებები აღენიშნებოდა თავის არეში. პოლიციამ ნაცვლიშვილის მკვლელობის ბრალდებით მისი შეყვარებული, ლადო გრიგალაშვილი მომხდარიდან მეორე დღეს დააკავა.
ww. ge

თუ მოგეწონათ სტატია გაუზიარეთ თქვენს მეგორებს
  • 24
    Shares
Загрузка...
loading...

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

error: კოპირება აკრძალულია !!