Loading...

ასე გვითხრეს ტრადიციული ფილმის გადაღებააო, მათ კი მოგვატყუეს… – არასრულწლოვანი ბავშვის მშობლები, რომელიც ფილმში ირებდა მონაწილეობას ფილმის გადამრებ ჯგუფს უჩივის

0
1089

“მოვიდნენ საბავშვო თეატრალურ სტუდიაში ბავშვების წასაყვანად. მოგვატყუეს, გვითხრეს, რომ ეს იყო ქართული ტრადიციული ფილმის გადაღებები” – აცხადებს არასწრულწლოვნის მშობელი, რომელიც ფილმში “და ჩვენ ვიცეკვეთ” გადაიღეს.
როგორც დღეს გამართულ პრესკონფერენციაზე ზურაბ ღვინიაშვილმა განაცხადა, ის პროკურატურაში სარჩელის შეტანას აპირებს:
“სარჩელი შემაქვს სამართალდამცავ უწყებაში და მოვითხოვ, სრული სიმკაცრით დაისაჯონ ის ადამიანები, ვინც მოტყუებით წაიყვანეს ბავშვები. ასევე ვითხოვ, ამოიღონ ის კადრები, სადაც არასრულწლოვნები მონაწილეობდნენ.”
როგორც ამბობს, არ იცოდა რომ ფილმში “ასეთი” სცენები იყო. ფილმის გადაღებისას კი ბავშვი 10 წლის იყო. გადაღებებზე არასრულწლოვნის დედაც იმყოფებოდა, თუმცა არც მან იცოდა რას იღებდნენ.
არასრულწლოვანის მამასთან ერთად დღეს პრესკონფერენციაზე „ქართული მარშის“ ლიდერი სანდრო ბრეგაძეც იმყოფებოდა. მისი თქმით, ფილმის რეჟისორის და შემოქმედებითი ჯგუფის მიმართ სისხლის სამართლის საქმე უნდა აღიძრას და ასევე “ოსკარების” აკადემიას განცხადება უნდა გაეგზავნოს, რათა ფილმი, ბავშვთა ტრეფიკინგის მოტივით, ნომინანტთა სიიდან ამოიღონ.

Loading...


„გაეროს ბავშვთა დაცვის ფონდს სტრასბურგში, ადამიანის უფლებათა დაცვის კომიტეტში უკვე გადაგზავნილი აქვს ცნობა იმის შესახებ, რომ ლევან აკინის ფილმში მოტყუებით, მშობლის ნებართვის გარეშე გადაღებულია 10 წლის არასრულწლოვანი. თითქოს და ეროვნულ ფილმში მონაწილეობის მოტივით დაითანხმეს ბავშვები და მშობლები. მიმართავთ პროკურატურას, აღიძრას საქმე აკინისა და ფილმის შემოქმედებითი ჯგუფის წინააღმდეგ. ასევე გავუგზავნოთ “ოსკარების” აკადემიას განცხადება, რომ ბავშვთა ტრეფიკინგის მოტივით ფილმი ამოიღონ ნომინანტთა სიიდან.”
“სამწუხაროდ, ბნელ დროში ვცხოვრობთ” – ფილმის “და ჩვენ ვიცეკვეთ” რეჟისორი ლევან აკინი მიმართვას ავრცელებს
შეგახსენებთ, ფილმის პრემიერა კინოთეატრებში 8 ნოემბერს საპროტესტო აქიების ფონზე შედგა. „და ჩვენ ვიცეკვეთ“ (And Then We Danced) კანის კინოფესტივალის ერთ-ერთ საკონკურსო სექციაში Director’s Fortnight, 25 ფილმს შორის მოხვდა. საზოგადოებაში ამ ფილმის მიმართ, ინტერესი ძალიან მაღალია, ფილმმა სხვადასხვა ფესტივალზე ჯილდოები აიღო.
აქციების პარალელურად ფილმმა “და ჩვენ ვიცეკვეთ” კიდევ ერთი ჯილდო მოიგო. რეჟისორ ლევან აკინის ფილმში შესრულებული როლისთვის ქართველი მსახიობი, ლევან გელბახიანი მამაკაცის საუკეთესო როლის ნომინაციის გამარჯვებული გახდა.

დატოვეთ კომენტარი
Загрузка...

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ