საზოგადოება

„ის რომ ჩემი მეგობარი ყოფილიყო, ეგ არ მოხდებოდა“ – რას ამბობს ბუბა კიკაბიძე გურამ საღარაძეზე, რომლის ყოფილი ცოლი თვითონ შეირთო

loading...

ვახტანგ კიკაბიძე 50 წელზე მეტია ერთ ქალზეა შეყვარებული – ირინე ქებაძეზე. ქალბატონმა ირინემ პირველად ოჯახი მსახიობ გურამ საღარაძესთან შექმნა და ერთი შვილი შეეძინათ – მსახიობი მარინა საღარაძე. როცა ბუბა კიკაბიძე გაიცნო, ქმართან უკვე აღარ ცხოვრობდა. ბატონ ვახტანგს და ქალბატონ ირინეს ერთი საერთო ვაჟი ჰყავთ – კოკა.  “ცხოვრებაა, აბა, როგორ?! ყველამ ყველაფერი იცის. მე ისეთი კაცი ვარ, როცა რამე მინდა, ყოველთვის ვაკეთებ. ვარ ზარმაცი, განძრევა არ მიყვარს, მაგრამ თუ რაღაც დავიწყე, იმ საქმეს ბოლომდე მივიყვან.  გურამ საღარაძე და ირინა უკვე აღარ იყვნენ ერთად. ის რომ ჩემი მეგობარი ყოფილიყო, ეგ არ მოხდებოდა. სრულიად უცხოები ვიყავით ერთმანეთისთვის. უკვე ცნობილი მსახიობი გახლდათ, პატივს ვცემდი და სულ ეგ იყო. მარინა საღარაძეს ჰკითხეთ ეგ ამბები, მე ნუ მალაპარაკებთ. ისე, რომ იცოდეთ, არც მე და არც ის ამ ქალის ფრჩხილის ფასად არ ვღირდით. ყოველთვის ბევრად მაღლა იდგა ორივეზე.


50 წელია, ერთი ქალი მიყვარს. მე ერთგული ქმარი ვარ, აქეთ-იქით მორბენალი კაცები არ მიყვარს. მოსკოვის შოუბიზნესშია მოდაში, ძმაკაცი ძმაკაცის ცოლთან რომ დადის და ა.შ. ყველაფერი ხდება, მაგრამ ისე უნდა გააკეთო, რომ სხვას ცხოვრება არ დაუნგრიო. ჩემი ცოლი ტვინით გატენილი ქალია, საინტერესო პიროვნება და უერთგულესი ადამიანია. გადასარევი დედაა. ჩემი შვილები და შვილიშვილები მასზე ჭკუას კარგავენ”, – განუცხადა “სარკეს” ბუბა კიკაბიძემ. წყარო: სარკე

დატოვეთ კომენტარი
loading...

მსგავსი სიახლეები

Back to top button
Close
Close