სარფში ქალი სასაფლაოზე დამარხული იპოვეს. ინფორმაციას გამოცემა „აჭარა თაიმსი“ ადგილობრივებზე დაყრდნობით ავრცელებს.
მათი თქმით, ცხედარი არსებული საფლავის ზედაპირზე იყო დამარხული. შემთხვევის ადგილზე საგამოძიებო მოქმედებები უკვე ჩატარდა, რის შემდეგაც ცხედარი ამოასვენეს.
ფაქტს ადასტურებს ხელვაჩაურის მერის წარმომადგენელი სარფის ადმინისტრაციულ ერთეულში.
„რამდენიმე დღის წინ მოხდა ეს ამბავი, იყვნენ გამომძიებლები, ქალი დამარხული იყო. ადგილზე არავინ მიგვიშვა, მეტი დეტალი არ ვიცი,“ – განაცხადა ჩვენთან საუბრისას მერის წარმომადგენელმა.
ერთმანეთისგან დამოუკიდებელი წყაროების ცნობით, მკვლელობა სავარაუდოდ გონიოს ტერიტორიაზე მოხდა. მედიის ინფორმაციით, როგორც სავარაუდო ბრალდებული კაცი, ასევე მოკლული ქალი თურქეთის მოქალაქეები არიან.
წყარო: „აჭარა თაიმსი“
