სამგზავრო ავტობუსი ამობრუნდა: დაიღუპა 9 და დაშავდა 30 ადამიანი – ნახეთ სად მოხდა შემთხვევა

მერსინი-ანტალიის გზატკეცილზე საქალაქთაშორისო სამგზავრო ავტობუსი ამობრუნდა.

მედიის ცნობით, ავარიის შედეგად 9 ადამიანი დაიღუპა, 30 დაშავდა. დაშავებულები კლინიკებში გადაიყვანეს.

შემთხვევის ადგილზე სასწრაფო სამედიცინო დახმარების ბრიგადები და სახანძრო ჯგუფი იყო მობილიზებული. 

შემთხვევის ადგილზე მივიდა მერსინის გუბერნატორი ალი ჰამზა ფეჰლივანიც.

„ეს მართლაც უბედური შემთხვევაა. დაშავებულებს მალე გამოჯანმრთელებას ვუსურვებ. ინფორმაციის მიღებისთანავე შემთხვევის ადგილზე მივიდნენ ჩვენი სამძებრო-სამაშველო და სამედიცინო ჯგუფები, ასევე ჟანდარმერიის თანამშრომლები. ჩატარდება შესაბამისი გამოძიება“, – განაცხადა ფეჰლივანმა.