შორენა ბეგაშვილმა გულშემატკივრები კიდევ ერთხელ გააოცა, როდესაც იახტაზე გადაღებული ფოტოები გამოაქვეყნა. პოპულარული სახე საფრანგეთში, კანში იმყოფება.
თეთრ კაბაში გამოწყობილი შორენა თავდაპირველად ყველას პატარძალი ეგონა და სიძის გამოჩენას სთხოვდნენ. შეგახსენებთ, რომ ბეგაშვილი საყვარელ მამაკაცს თვეებია, რაც საგულდაგულოდ მალავს.
“უსიძო ქორწილია?”
“ყველასგან გამორჩეული და ულამაზესი ქალბატონი ხარ, შორენა, ბედნიერებას გისურვებ”
“ადამიანი, ვინც ცხოვრებისგან სიამოვნებას იღებს და ჰყავს ადამიანი, ვინც იცის შორენას ფასი და ანებივრებს. იბრწყინე, მიყვარხარ ძალიან…” – წერენ კომენტარებში.
შორენას დღეს დაბადების დღე აქვს, ტელეწამყვანი 42 წლის გახდა. სავარაუდოდ, წვეულება ღამის 12 საათზე, მისი დაბადების დღის აღსანიშნავად მოაწყვეს. იახტაზე მდგარ მოდელს mytheresa-ს 740 ევროდ ღირებული კაბა ეცვა. დაბადების დღეზე საყვარელი მამაკაცისგან პირველი საჩუქარი უკვე მიიღო, ერთ-ერთ ვიდეოში ხელზე ძვირადღირებული ბეჭდით გამოჩნდა.
თუ დაწყება ასეთი გრანდიოზული იყო, სავარაუდოდ, ბეგაშვილის დაბადების დღე კანში დღეს კიდევ გაგრძელდება.
ცოტა ხნის წინ, ბეგაშვილმა სოციალურ ქსელში მედიას მოუწოდა, რომ მასზე ნაკლები ინფორმაცია გაევრცელებინათ.
“ძალიან გთხოვთ, ყველა სისულელეს ნუ ანიუსებთ, ნუ აწყევლინებთ ამ ხალხს ჩემს თავს…“ – წერდა ბეგაშვილი. თუმცა თუ გავითვალისწინებთ, რომ ინსტაგრამზე 1.4 მილიონი მიმდევარი ჰყავს, მის შესახებ სიახლეების გაცნობა, უამრავ ადამიანს სოციალურ ქსელშიც შეუძლია.
წყარო- Ambebi.ge
