კუპატას თავგადასავლის შემდეგ, გიორგი კეკელიძე მორიგ წიგნზე მუშაობს.
ამის შესახებ მწერალი სოციალურ ქსელში წერს და აღნიშნავს, რომ წიგნის მთავარი პერსონაჟები ყველასათვის საყვარელი შოშიები – დაჩი და დანიელი იქნებიან.
„კუპატას თავგადასავალმა ხომ დიდი ამბავი შექმნა, მაგრამ მისი მეორე წიგნი, გამოგიტყდებით და უკეთესი გამოდის. აქ დრო უკან ბრუნდება და კუპატა, თოლია-თვითმფრინავთან ერთად, აფრიკიდან მძინარა ზებრის ჩამოსაყვანად მიემართება. იმ ზებრის, მერე გზაზე ბავშვები რომ გადაჰყავდა. ჰოდა, აფრიკამდე ბევრ საინტერესო ადგილს გაივლის – პინგვინი გვინის სამეფოს, სულ პირველი სათამაშოების კუნძულს, პატრონებისგან მიტოვებული ძაღლების კუნძულს და სხვა ჯადოსნურ ადგილებს.
და კიდევ, მისი თანამგზავრები, სხვებთან ერთად ტყუპი შოშიები – დაჩი და დანიელი იქნებიან,“ – წერს გიორგი კეკელიძე
