ახალი 2026 წითელი ცეცხლოვანი ცხენის წლის მოახლოება გვაძლევს საშუალებას, გადავხედოთ ჩვენს კულინარიულ ტრადიციებს და ახალი გემოებით გავამდიდროთ საახალწლო სუფრა.
ცხენი არის ენერგიის, სისწრაფის, თავისუფლების, აქტიურობის და შრომისმოყვარეობის სიმბოლო. ელემენტი ცეცხლი და ფერი წითელი ამ ენერგიას კიდევ უფრო აძლიერებს.
აი, რა უნდა იყოს საახალწლო სუფრაზე 2026 წლისთვის, ცხენის კეთილგანწყობის მოსაპოვებლად:
ცხენი უპირატესობას ანიჭებს მარტივ, ნოყიერ და ბუნებრივ საკვებს, რაც ასახავს მის ბუნებას – სიყვარული მინდვრისა და თავისუფლებისადმი.
ცხენი არის მოძრაობის სიმბოლო, ის არ არის ზარმაცი არსება. ამიტომ, უმჯობესია თავი აარიდოთ “მძიმე” ხორცს (როგორიცაა ღორის ხორცი, თუმცა ქართულ ტრადიციაში ის ხშირად გამოიყენება). იდეალურია საცივი და სხვა ფრინველის კერძები, ასევე მსუბუქად მომზადებული ძროხის ფილე ან სხვა კერძები. მსუბუქი და სწრაფად მოსამზადებელი თევზის კერძები მისასალმებელია, რადგან ცხენი სისწრაფის ნიშანია.
ცხენს უყვარს მარცვალი! ამიტომ, სუფრაზე უნდა იყოს რაღაც, რაც ნაყოფიერებასა და სიუხვეს განასახიერებს. მაგალითად გამოიყენეთ ბრინჯი, როგორც გარნირი. აუცილებლად გქონდეთ სუფრაზე დიდი რაოდენობით პური, ხაჭაპური ან სხვა ნატურალური ფქვილის ნაწარმი. ასევე ახალი მწვანილი (ოხრახუში, კამა, ქინძი).
ცხენს მოსწონს ბუნებასთან სიახლოვე, ამიტომ ეცადეთ სუფრა უმეტესად ნატურალური გემოებით იყოს დატვირთული. ასევე შემწვარი, დაჭრილი ან ორთქლზე მომზადებული ბოსტნეული, განსაკუთრებით კარგია სტაფილო და ჭარხალი. სუფრაზე დესერტად არა მხოლოდ კრემიანი ნამცხვრები, არამედ ხილიც უხვად უნდა გქონდეთ.
რადგან 2026 წელი წითელი ცეცხლოვანი ცხენის წელია, ამიტომ სუფრაზე უნდა ჭარბობდეს წითელი, ნარინჯისფერი, ყვითელი და ოქროსფერი ტონები. კერძებში ინგრედიენტებად ბროწეული, პომიდორი, წითელი წიწაკა გამოიყენეთ. დეკორში კი წითელი ხელსახოცები, ოქროსფერი სასანთლეები, ფორთოხლისა და დარიჩინის დეკორაციები. კარგი იქნება თუ მიირთვით წითელ ღვინოს ან წითელი ხილის წვენებს, ეს ცეცხლის ელემენტს გააძლიერებს.
რა არ უყვარს ცხენს?
ზედმეტად მძიმე და ცხიმიანი საკვები:ცხენი ენერგიულია, ამიტომ ზედმეტად მძიმე საჭმელი არ არის მისასალმებელი.
ნახევარფაბრიკატები:ცხენი ბუნებრივი ნიშანია, ამიტომ ყველაფერი უნდა იყოს ახალი, ნატურალური და თქვენი ხელით მომზადებული.
მოკლე რჩევა 2026 წლის საახალწლო მენიუსთვის:
- საცივი;
- ფერადი ფხალეული/მწვანე სალათები;
- შემწვარი ბოსტნეული;
- გოზინაყი/ჩურჩხელა.
სწორედ ეს კერძები შემატებს თქვენს სუფრას ენერგიას და ცხენის წელს წარმატებით შეხვდებით!
