“სულის ტკივილი იცით რა არის? ეგ სული მტკივა…“ – რას წერს ბათუმში ნაპოვნი გარდაცვლილი კაცის მეუღლე

ბათუმში რამდენიმე დღის წინ დაკარგული ახალგაზრდა, საბა ხარებავა გარდაცვლილი იპოვეს.

ინფორმაციას გარდაცვლილის ოჯახის წევრები ადასტურებენ.

„სულის ტკივილი იცით რა არის??? ხოდა ეგ სული მტკივა

რომ გეტყოდი ყველაზე მეტად მიყვარხართქო გამიცინებდი…. ხო, არც არაფერი შეცვლილა, ისევ ყველაზე მეტად მიყვარხარ. რა გვეშველება უშენოდ ჩემო გულიანო ბიჭო“,- წერს გარდაცვლილის მეუღლე. 

შინაგან საქმეთა სამინისტრო გამოძიებას საქართველოს სისხლის სამართლის კოდექსის 115-ე მუხლით აწარმოებს, რაც თვითმკვლელობამდე მიყვანას გულისხმობს. უწყებას ამ დროისთვის არ გავრცელებულა ოფიციალური ინფორმაცია, ფიქსირდება თუ არა გარდაცვლილის სხეულზე ძალადობის კვალი.