ძლიერი შეჯახება რუსთავში.
“ინფო რუსთავის” ინფორმაციით, შარტავას გამზირზე, შუქნიშანთან გაჩერებულ “ჰიუნდაისა” და “მერსედესის” მარკის ავტომობილებს უკნიდან ძლიერად “ტოიოტას” მარკის ავტომობილი დაეჯახა.
ადგილზე მობილიზებული იყო სასწრაფო სამედიცინო დახმარების რამდენიმე ეკიპაჟი.
ავარიის შედეგად 4 ადამიანი დაშავდა, 2 კლინიკა რუსთავში გადაიყვანეს, არსებული ინფორმაციით მათ სიცოცხლეს საფრთხე არ ემუქრება, 2 პაციენტს კი სამედიცინო დახმარება ადგილზე გაუწიეს.
რამდენიმე წუთით გზის აღნიშნულ მონაკვეთზე მოძრაობა შეზღუდული იყო.
მომხდარზე დაწყებულია გამოძიება.
