ტრაგედია დატრიალდა იმერეთში. უბედურ შემთხვევას 21 წლის დავით კიკვაძე ემსხვერპლა. ინფორმაციას გამოცემა “მთავარი ამბები” ავრცელებს. გამოცემის ცნობით, ტრაგედია გუშინ, სამტრედიაში მოხდა. ერთ-ერთი საცხოვრებელი სახლის ეზოში რკინის კონსტრუქციის მონტაჟი მიმდინარეობდა. სავარაუდოდ, მიწამ დატვირთვას ვერ გაუძლო, რის შედეგადაც კონსტრუქცია ჩამოიშალა და 21 წლის დავით კიკვაძეს დაეცა. ახალგაზრდა სასწრაფოდ საავადმყოფოში გადაიყვანეს, თუმცა მიღებული მძიმე დაზიანებების გამო მისი გადარჩენა ვერ მოხერხდა.
“ენით აუწერელი ტრაგედია ტრიალებს… 21 წლის ვაჟკაცი დავკარგეთ. სიტყვები უძლურია ასეთი ტკივილის წინაშე”, – ამბობს “მთავარი ამბების” წყარო.
