ბოლნისის რაინში ვერტმფრენი ჩამოვარდა, თავდაცვის სამინისტროს ინფორმაციით დაღუპულია მფრინავი კახა ზურაბაშვილი.
როგორც უწყების ინფორმაციაში წერია, ვერტმფრენი რომელიც ერთ-ერთ გეგმურ სამხედრო სწავლებაში იყო ჩართული მწყობრიდან გამოვიდა და კატასტროფა განიცადა.
მომხდარზე შესაბამისი უწყებები მუშაობენ.
თავდაცვის სამინისტროს ინფორმაციით, მიმდინარე წლის 2 ივლისს, ერთ-ერთი გეგმიური სამხედრო სწავლების დროს, რომელშიც ჩართული იყო საავიაციო კომპონენტი, თავდაცვის ძალების კუთვნილმა ერთ-ერთმა საფრენმა აპარატმა განიცადა კატასტროფა.
„სუ-25 კატასტროფის შედეგად, ტრაგიკულად დაიღუპა თავდაცვის ძალების ავიაციისა და საჰაერო სარდლობის პილოტი, კახაბერ ზურაბაშვილი. აღნიშნული შემთხვევის მიზეზების დადგენის მიზნით, თავდაცვის უწყების შესაბამისი სამსახურები აწარმოებენ დეტალურ გამოკვლევას.
თავდაცვის სამინისტრო მწუხარებას გამოთქვამს ტრაგიკული შემთხვევის გამო და უსამძიმრებს დაღუპული პილოტის ოჯახსა და ახლობლებს“, – ნათქვამია თავდაცვის სამინისტროს განცხადებაში.
შემთხვევა რამდენიმე საათის წინ სოფელ დისველთან მოხდა, თუმცა, იმის გამო, რომ დაღუპულის ოჯახის წევრი არ იყო ინფორმირებული, ინფორმაციის გამოქვეყნებისგან თავი შევიკავეთ.
