გარეცხვით ბაქტერიებს ვერ გაანადგურებთ
ითვლება, რომ ხორცი კარგად უნდა გარეცხოთ, რათა ბაქტერიები მოაშოროთ. სინამდვილეში, წყლის ყველაზე მძლავრ ნაკადსაც კი არ ძალუძს ხორცის ზედაპირზე ბაქტერიების მოსპობა, აი, მათი “გაფრქვევის” და სხვადასხვა ზედაპირის დაბინძურების შანსი კი იზრდება. კერძის მომზადებისთვის საჭირო მაღალ ტემპერატურაზე კი ბაქტერიები იხოცებიან.
ხორციდან გამოსული წითელი სითხე სისხლი არაა
ფერის მიუხედავად, ამ სითხის ძირითადი შემადგენლობა-წყალია, ფერს კი ცილა მიოგლობინი აძლევს.
ახლადდაკლული ხორცი საუკეთესო არაა
ითვლება, რომ იმ საქონლის ხორცი, რომელიც ეს-ესაა დაკლეს-საუკეთესოა მომზადებისთვის, მაგრამ ასეთი ხორცი რეზინივითაა და უხეშია, დაკვლიდან 4 საათი მაინც უნდა გავიდეს, რომ კუნთოვანი ბოჭკოები მოდუნდეს და ხორცი დარბილდეს.
ხბოს ხორცი უფრო სასარგებლო არაა
ხბოს ხორცი სასარგებლოდ ითვლება და დიეტოლოგებიც ურჩევენ, მაგრამ სინამდვილეში ქოლესტერინის შემცველობა მასში უფრო მეტია. გემოთიც დიდად ვერ დაიკვეხნის.
